Os Lucecús

Na actualidade, Lucecús teatro, está integrada por Isa Herrero e Anxo Manoel. Aquí vos deixamos un pequeno resumo do seu percorrido.

Isa Herrero.

Iníciase xa na adolescencia no mundo do teatro co grupo «Os Zoelas», da man de Xosé Manuel Carballo e continúa o seu percorrido cos compañeiros de Achádego Teatro, baixo a dirección de Tareixa Campo e Antón Sampaio.

Grazas á formación do Circuíto Buxiganga, no 2013 xúntanse ela e nove compañeiros máis, para fundar Microefectos Dramatúrxicos, un proxecto vivo que busca potenciar a escrita e posta en escea de textos dramáticos. Vai xa para tres anos, e a frenética actividade actoral, de dirección e de escrita que fai o grupo para levar ante o público mes a mes catro pezas novas e orixinais de teatro breve, continúa.

No 2015 Isa Herrero, Anxo Manoel e Rubén Pérez decídense a afrontar un novo proxecto teatral que lles permita desfrutar do proceso creativo que supón a montaxe dunha peza longa, dende todas as súas aristas, nace Lucecús Teatro.

Facendo camiño…

Anxo Manoel.

Iníciase no mundo da actuación da man de Achádego Teatro e o xermolo que alí nace non deixa de medrar. Curtametraxes, películas, webseries, monólogos, presentacións de diversos eventos e moito máis teatro son os seus nutrintes.

En 2013 coincide con Isa Herrero e Rubén Pérez na fundación do proxecto teatral Microefectos dramatúrxicos do que sigue formando parte.

No 2015 e xunto a estes dous útltimos embárcase nesta nova aventura; Lucecús Teatro, un proxecto no que os tres integrantes do mesmo afrontan todas as fases do proceso, dende a escrita até a posta en escena.

Facendo camiño…

Novas

Próximas funcións:

2020:

  • 3 de abril, ás 21:00 no Forum Metropolitano en A Coruña: «Minotarus Vulgaris«. 

2019:

  • 28 de decembro, ás 17:30 na Casa da Cultura de Bóveda: «Os libros contraatacan«. 
  • 27 de decembro, ás 18:00, na Casa da Cultura de Monforte de Lemos: «A verdadeira historia do poeta Manuel de Paderna«. 
  • 20 de decembro, ás 18:00, no Colexio de Abella-Casas, en Lugo: «Os libros contraatacan«. 
  • 14 de decembro ás 18:00, no Teatro Municipal de Viveiro: «Os libros contraatacan«. 
  • 26 de  outubro, ás 18:00, na Fundación Manuel María, en Outeiro de Rei: «Os libros contraatacan«. 
  • 25 de setembro, ás 18:00, na Biblioteca Municipal de Paioseco – A Laracha: «Os libros contraatacan«.  
  • 16 de maio, ás 14:30, no Colexio Público de Mosteiro-Pol: «Os libros contraatacan«. 

«Minotaurus vulgaris», o sábado 27de Abril do 2019, ás 20:00h no fermosísimo Vello Cárcere de Lugo.

Dentro da programación do Arde Lucus Cultural, temos o pracer de sacar adiante unha nova peza, outra estrea, a ilusión e os nervios son os mesmos!

Unha obra dunha cárcere, feita nunha cárcere

Cousas que pasan!

Estamos xa cos últimos ensaios, animádevos a acompañarnos.

Novas funcións de LOGOS!

Aquí vos deixamos unha foto do grande Iván Mouronte.

Neste mes de Xuño imos celebrar o fin de curso con moitos dos alumnos da provincia de Lugo. Que mellor celebración que a do feito teatral. Alá imos, preparados para viaxar coa nosa LOGOS a varios institutos lucenses:
  • Castro Ribeiras de Lea.
  • Guitiriz.
  • Alfoz-Valadouro.
  • Lugo.
E moi prontiño  tamén en Arzúa!!! Estade atentos!
A verdadeira historia do poeta Manuel de Paderna.

Este sábado 22 de Abril os Lucecús estaremos rodando «A órbita do lucecú» por Pontevedra. Nesta ocasión dentro do programa «Noites Abertas». Podedes consultar a programación completa aquí:

http://ocioengalicia.com/…/programa-noites-abertas-2017-de…/

Vémonos no Teatro Principal, ás 21,30 horas. Esperamos que desfrutedes!

Chegou a hora!

Mañá mostraremos o resultado do traballo destes últimos meses no Auditorio Municipal de Lugo, o Gustavo Freire. Os Lucecús estamos moi ilusionados por que a equipa de xente coa que contamos desta volta, é un auténtico luxo. Foi un pracer traballar con eles e mañá, será un día inesquecible.

Para moitas das do grupo, será a primeira vez, a estrea enriba dun escenario, iso é sempre, todo un evento. So podemos sentir, orgullo e unha grande satisfacción -mesturada con algún nervio solto- polo gran traballo que fixo esta nova equipa de teatreiros.

E desexarlles moito máis teatro nas súas vidas.

Contacto

Se desexas poñerte en cotacto con nós podes usar o seguinte formulario ou enviarnos directamente un mail a lucecusteatro@gmail.com.
Tamén estamos nas redes sociais
  • @lucecusteatro2015 

  • lucecus_teatro

Nombre
Mensaje

 

 

 

Atención: Os campos marcados co  *  son obrigatorios.

A compañía

Aínda que na actualidade Lucecús Teatro está conformada por Anxo Manoel e Isa Herrero, as súas orixes beben da confluencia  de varios proxectos artísticos. Logo de moitos anos de traballo en diferentes colectivos teatrais de Lugo,  Anxo Manoel, Isa Herrero e Rubén Pérez que tiñan percorrido xa os escenarios de Galicia da man de grupos como Achádego, Palimoco ou Microefectos Dramatúrxicos, deciden xuntarse para lucir teatralmente.

A primeira montaxe da compañía, «A Orbita do Lucecús» fai honra ao nome e ponse en escena no 2016 da man de Santiago Cortegoso e Marián Bañobre. Nese mesmo ano, para celebrar a conmemoración do autor Manuel María no día das Letras Galegas, a Fundación Manuel María encarga á compañía unha producción a partir dos textos do autor. Despois dun arduo traballo de dramaturxia nace «A historia do verdadeiro poeta Manuel de Paderna». Este espectáculo segue a rodar a día de hoxe.

Despois veu «PingüiSOS» e máis tarde Logos, espectáculo no que formaba parte do elenco Borja Fernández, grande creador escénico, actor, director e músico. Un crack!

Polo camiño, e da man de Anxo Manoel e Isa Herrero, naceron tamén no 2017 «Os libros contraatacan», un espectáculo familiar de pequeno formato, e no 2019, «Minotaurus vulgaris». Ambos espectáculos xiran a día de hoxe.